| 今日同左mandy kit同阿蚊出左tst飲野 跟得佢地多 已經飲過兩三次酒
都唔明白呢d咁難飲既野d人點解可以成日飲 真係好難飲
阿蚊又飲到wing wing地 mandy同kit當然冇事 當水飲咁
自己飲完都可以...一杯姐 一陣飲醉左就唔得掂
今日整左cheese cake俾大家食 佢地話ok喎 都算係咁上下啦 冇all
下次可以整下其他野 但要等我得閒先
**飲過beer 紅酒同cocktail 樣樣都係咁難飲 但次次都會揀黎飲 唔通傻左... |
| |
| 隔日放工做運動既生活 令到一日既時間好似好少咁
8點左右出門口 返到屋企已經10點 o係屋企睇下報紙用下電腦就12點
充實 但平淡
返工好多時都係帶飯 唯一娛樂就係跟d同事出去買飯 買下零食
或者出街食一兩次lunch 傾下計
開始融入到公司既生活 做既野開始多 有部份工作已經要自己handle
但一日入面總有少少時間冇野做坐o係度 唔知做咩好 唔通自己係一個工作狂......
發覺自己都幾勁 o係休息時間方面 日日訓得6個鐘左右
返工時間中會打呵欠 但未至於訓著 除左兩日因為前一晚太夜訓
黎緊有假期 可以抖番下 睇下可唔可以同mama飲茶先 成2個月冇飲lu |
| |
| 同事wendy放左工要去上堂 佢俾d notes我睇 竟然發現佢個名完全同阿ling一樣!
真係痴左線 我仲以為佢借人notes用tim...
放左工約左ying2攞日文書 好耐冇見 短髮look 仲短過我囉....
等我遲d又剪一剪先
之後去左間好多好評既食肆諗住試下啦 竟然冇開....個網冇人講過會休息架喎
之後第2間...第3間直頭結埋業...哈
最後都搵到地方 計番對上一次見應該都差唔多一年啦...耐到唔記得
中學既朋友 講真個樣冇咩點變 係講既野冇以前咁低b
人大左 想約d朋友出黎都唔係咁易 |
| |
| 今日另一個部門既kitty叫我打去日本間公司問野 雖然好爽快咁答應左
但就諗左好耐點樣講 入面有d字唔識讀又去左查讀音
最後諗定晒之後打去 哈 個擔當行開左
之後等到日本o個邊既2點左右先再打去 免得人地食緊飯
打到去 出奇地對方既說話幾易明 好快就算搞掂 對方亦問左我個名
不過估唔到晏多少少有人打黎指名搵我 原來就係佢 講番件事
今日開始對電話既恐懼減少左 但信心仲有少少不足 始終好多講到咀邊就唔識講
對方一講快d就唔明個意思 希望公司俾到多d時間我去學習
阿head講過入去做可以成日train到日文 佢冇講大話
估唔到日日都用到日文 而一日內基本上會用到日文 廣東話 英文 國語
幾開心第一份工既係自己興趣 又用到學過既知識 而同事都好好
要提醒自己俾足心機去做 |
| |
| 今日終於要我打電話去日本 問酒店攞資料
好驚好驚 完全唔敢打 等到放完lunch阿head又未返時打左幾個
但佢一返黎又打唔到喇 應該係因為佢d日文太勁 自己驚俾佢聽到所致
之後俾佢話左幾句...唔算罵既...
不過自己就開始反省 依家諗番起真係唔駛驚既 總之我攞到資料就得啦 你理我點講~
希望呢個心態可以維持到聽日同之後既日子
聽日一返到去唔理咁多就係 打 電 話 ! ! ! |
| |
